2007年係一年特別既一年, 呢一年又開心, 又忙碌, 而且今年作左一個人生一大既決定.............結婚

07年1月........ 我同阿忠決定左08年要結婚

07年2月........ 終於向3大長老提出我地既婚事。同月, 我升左職, 加左人工

07年3月........ 我生日個日去左3v book左影婚紗相

07年4月........ 呢個月我地終於揀好日子啦﹗係08年11月8號, 而我地亦都book酒席。同時間, 除左book左酒席, 我地好快手都book埋花球、裙褂, 宜家物價高漲, 遲d book既話, 加左價咪好唔抵

07年5月........ 係esd識左一班朋友仔, 而我地亦都係呢個月第一次出黎攪gathering

07年7月........ 呢個月既6號影左我人生第一輯婚紗相

07年8月........ 呢個月31號影埋第二輯婚紗相

07年11月........ esd有個朋友仔結婚, 邀請我去晚宴, 順便比我試埋菜 (因我同佢係同一間酒樓), 我真係好多謝佢

07年12月........ 終於都到左07年既最後一 個月, 而呢個月係我最開心既, 因為esd有好多朋友仔都係呢個月結婚, 雖然我唔係個個都去到觀禮, 只係去到一個, 但我都衷心祝福佢地幸福快樂, 甜甜蜜蜜。除左呢d之外, 亦都有我最鐘意既聖誕節, 除夕夜........31號踏正12點, 就係2008年, 我終於可以話比人聽我今年結婚啦﹗