2月2日, 3v攪左個party, 慶祝佢地一週年同埋擴充既大日子。

一眾院友梗係上去賀一賀佢啦﹗我大概2點幾上到, 個時淨係得ling ling, 加一, tata, tata's darling, 06同沁嵐, 坐左一陣, 其他院友陸陸續續咁黎。到差唔多4點, 人都差唔多齊, 個party正式開始, 首先梗係由劉政發言, 最攪笑我地要求佢講廣東話, 佢講左幾個字, 最終都係講番國語, 跟住就係輪到阿杰同yoyo。發完言之後, 梗係玩遊戲兼抽獎啦﹗

抽晒之後, 我地梗係唔夠皮啦﹗要劉政加碼, 最終佢加左2張$1000 coupon。唔經唔覺, 佢地都成立左一年, 仲記得當初我識yoyo個時, 佢仲係現代度做, 我仲要2次行expo都搵佢sell我, 但最終我都冇join到, 個時我真係有d唔好意思, 直至第2次搵佢, 佢話比我知劉政冇做, 自己攪公司, 叫我直接搵佢。而我又係esd度搵到一間叫3v, 問問下, 先知呢間野係劉政攪既, 仲有就係連yoyo都過埋去做。直至到上年我生日個日上去睇下, 一入去3v就見到yoyo, 個一刻我真係好開心, 我地同yoyo真係好有緣, 所以二話不說咁就比錢join左。一年既時間真係好快過, 係呢一年入面, 見到3v佢地不斷咁進步, 客人不斷咁增加, 真係為佢地值得高興﹗係呢度再一次祝3v生態蒸蒸日上, 越做越大﹗