2月6日 年三十

呢日原本媽咪入黎我度同埋阿忠, 三個人簡簡單單叫pizza食團年飯, 點知﹖媽咪下午打比我, 話舅父係澳洲返黎, 咁阿yi出完trip係新加坡返黎, 所以阿yi話想一齊食飯。但有樣野係超級麻煩既, 就係阿yi book個間係一間club (中國會), 個度係要著得企理d, 唔可以t-shirt 牛仔褲, 咁就死啦, 阿忠個朝就係衛衣牛仔褲咁返工, 好彩我早放放四點, 咁我就拿拿聲返屋企拎過套衫去佢公司比佢換。夜晚去到, 個裝修好懷舊feel, 好多鬼佬去食飯, d野好好食。同場加插, 阿yi帶左佢個從未暴光既外籍男朋友黎一齊食飯。

呢間club, 可能有好多外籍人士去食飯, 所以佢地可能為左攪氣氛, 搵左個外省師傅表現以下呢個節目。

2月7日 年初一

自從搬左出黎, 每年年初一我都會一早起身返屋企同媽咪拜年(以前既我係唔會咁早起身啦), 返到媽咪屋企食完早餐(蘿蔔糕, 年糕, 馬蹄糕), 我地就出發去大姑婆, 二叔婆屋企拜年。拜完年之後, 我就返媽咪屋企訓返個晏覺, 夜晚等阿忠放工一齊返去佢阿媽屋企拜年。

2月8日 年初二

一如以往, 阿忠都會揀呢日放假。中午我地返媽咪屋企食開年飯, 馬文、阿珠、蛇仔佢地三個每年都一齊返, 但今年我地多左個新成員.......蛇仔既女朋友。食完飯, 我地就傾下計.....傾下我地結婚既野、買車既野啦﹗因我同阿忠今年都考到車牌, 而馬文有呢D既經驗, 所以我地就問下佢既意見。傾到咁上下, 馬文同阿珠走左, 我地就準備出發去阿婆屋企拜年, 今年餐飯由媽咪下廚, 我地好趕咁係6點15分開飯, 之後就趕住去灣仔碼頭個度睇煙花。今年係奧運前既煙花, 所以有好多放出黎都圍繞住呢樣野, 總括黎講, 都好好睇。

我地又玩呢個大頭拍

2月9日 年初三

今日我一早起身, 去街市買餸, 因阿忠既阿媽, 家姐, 姐夫, 兩個妹入我地度拜年。一早去到街市, 個街市都未開晒, 我唯有選擇去百佳買餸啦﹗買今晚呢餐真係好貴, 我從未買得咁貴..............是晚晚餐﹕蓮藕粉葛豬"月展"湯, 上湯菜心, 蜜糖燒一字骨, 茄汁大蝦, 西蘭花帶子, 罐頭鮑魚, 老虎斑一條, 一隻雞。佢地食得好開心, 仲幫我清晒D餸TIM, 唔知係咪真係好好食呢﹖

2月10日 年初四

今日係返工前最後一日假, 往年既我一定會請假放到年初八先返工, 今年我冇, 因為阿忠14, 15號都放假, 所以我留番個2日先放。今日中午同媽咪, 阿婆, 舅父, 阿yi, 阿yi既bf一齊係金鐘個間香格里拉入面間日本野食lunch (鐵板燒), 好好味呀yummy﹗食完之後, 同媽咪, 阿婆去左element行街, 個商場都幾大, 個場ok好行。到5點幾, 阿婆要返過海會合舅父, 而我同媽咪就去tst行一陣, 夜晚去睇李克勤既concert, 成晚個氣氛都幾好, 雖然話係演奏廳, 但一d都冇悶既感覺。