今日同阿忠上左去3v睇排版, 初頭我地都覺得冇乜野需要改, 只係有一兩張有d古怪者。點知, 劉政行埋黎, 幫我地睇下, 原來係有好多野要睇, 例如﹕睇下d頭髮有冇亂, 個底色有冇黑點, 我d手臂既肥肉有冇走出黎, 阿忠塊面有冇面油...................呢d我地真係冇諗過要睇, 我地一心諗住淨係睇下d相夾唔夾呀, d顏色有冇調到古古怪怪。好多謝劉政突然間走埋黎睇我地D相, 令到我地知道原來有好多野要睇。

本來我地諗住好快咁就走得, 點知因為咁既緣故, 我地重新咁好細心咁再睇一次, 足足由10點幾攪到成1點, 真係耐啦﹗

我地攪掂晒, 就去左東門食我要再食既"重慶酸辣粉"自從上次食完之後, 我已經食過番尋味, 不過阿忠今次帶左我去阿煩介紹個間, 呢間比上次個間辣d, 好食好多。

食完之後, 我地就返香港, 因為阿忠今晚要返工呀﹗ 

今日係coco 1歲生日啦﹗

我同阿忠買左個生日蛋糕比佢, 同佢慶祝。不過係未切蛋糕之前, 發生左一個小插曲, 就係我將個蛋糕放左係張檯上面, 點知個衰女豆豆跳左上檯, 整跌左個蛋糕, 成個蛋糕散晒, 激死我啦﹗ 我唯有慢慢"汁"起去, 真係比佢激死我啦﹗

睇下coco佢, 食得幾滋味 

老豆抱住佢影相, 個衰女都要掛住望住個蛋糕, 乜都唔理。

睇下, 我個co妹豬, 戴左個米奇老鼠既帽, 幾得意﹗豆豆佢眼都唔"斬"咁望住coco, haha﹗

呢2份係jessica姐姐送比佢既生日禮物, 多謝晒﹗

琴日走去運輸處攪重考, 唉﹗又要比多$510。

不過好鬼唔滿意, 佢今次編我去一個我好唔想去既地方 ----- 天光道﹗呢個咁既地方, 我係極之不滿，因為呢個咁既地方, 好多學生, 好多校巴, 好麻煩﹗

但都冇辦法, 已成定局, 我都要面對。

11月11日係cyan & mike既結婚日子，我好榮幸獲得cyan佢既邀請而出席佢地既結婚晚宴。

其實係上個星期五, 我接到fanny既msn話cyan正準備邀請我地去, 我地個一刻都覺得好似好怪, 好唔好意思咁。雖然係咁, 但我地都有出席佢地既婚宴黎分享佢地既喜悅。不過我就冇去睇佢地註冊, fanny同方大哥就有去,我淨係去左飲者, 所以fanny夜晚比左註冊d相我睇。cyan註冊個婚紗look真係好正 

夜晚都有一個既驚喜又感動既位, 就係mike佢突然玩失蹤, d兄弟姊妹叫cyan搵佢出黎, 突然間一路唱歌, 一路行出黎, 真係感動死啦﹗ 

總括黎講, 整晚都攪得好好, d野又好食(佢地都係係彩雲軒擺架, 其實cyan叫我去, 都係想我試下菜同睇下佢地service), 佢真係諗得週到啦﹗同埋佢每一個look, 每一件衫都好靚呀﹗

係呢度, 再一次祝佢地白頭到老, 永結同心﹗

呢個放係張檯度好特別, 好得意﹗

呢2件衫都好靚呀﹗

今日係11月8號, 08年既今日就係我地結婚既大日子﹗

琴日我終於都考完車, 不過個結果係我最冇信心個兩樣 (泊位同調頭)居然pass左, 其實個泊位真係泊得好核凸, 好彩係個框框入面者。反而我最有信心個樣(路試) 肥左, 我好唔開心, 個個咁既轉彎位, 我練左好耐, 我克服左架啦, 但都係衰左係呢個位。最衰係個考牌官, 其實佢好好架, 都幾nice, 一d都唔cool, 但我自己真係好緊張, 佢就成日話比我知條路點行, 攪到我覺得佢吹我咁, 咁我一心急咪做錯野囉, 總知, 我既心情都會有排平伏到。