等我講下琴日影相既野啦﹗
其實同上次去葵園都差唔多, 上去既時間一樣, 上到去都係化妝, 換衫, 影相
唔同既係﹕ 唔同地點, 唔同造型, 唔同攝影師
首先講下化妝先, 我一見到彩雲真係好開心, 我實在太掛住佢, 開心到彩雲幫我化化下先記得要搽精華素, 佢今次幫我做左一個好特別既造型, 成個頭都係用假髮 (用左成3個), 一d我既頭髮都睇唔到, 重有d重既感覺。

跟住梗係要講下我地偉大既攝影師-阿杰啦﹗
佢真係好落力, 唔怕"烏租" 又訓身, 又"扖地", 一個字"勁"。仲記得我地去仙湖, 個度好多蟻, 佢仲訓係個地幫我地影相, 攪到成身都係蟻, 仲比佢地咬tim。真係有d唔好意思。
不過好得意, 我地去到仙湖影相, 都唔知點解都會比人圍觀, 阿忠仲話好似去左動物園, 我地係動物, d人係度睇d動物咁
去完仙湖, 跟住我地就坐車去海灘, 琴日天氣好好, 成個天空好清, 好靚, 連d海水都好清, 大概影到6點幾, 我地就回程lu﹗

係呢度我地非常多謝阿杰佢不怕艱辛, 好落力咁為我地影呢輯相。除此之外, 重有要多謝打燈哥哥-肥滔, 阿堅, 佢地流晒汗咁都好努力打燈;助理-丁丁, 佢不停咁幫阿忠抺汗;彩雲佢唔駛講啦, 佢幫我整左3個造型, 我都好鐘意, 仲有佢成日都陪伴著我左右, 扶我行路(因為有時要"琴石"), 幫我"擔姐"
最後梗係唔少得 yoyo同lily既悉心安排啦﹗

宜家既我好期待快d有相睇, 我琴晚同阿杰講, 佢都想, 但9月個期好full, 好難抽時間, 但都會盡量。期待...........

彩雲

劉政

阿杰

yoyo & lily

得左啦﹗得左啦﹗

我既筆試pass左啦﹗今朝我不知幾緊張, 搭車都狂溫書, 去到運輸處11:55, 重有10分鐘就到考試時間(考試12:05), 我一坐底都繼續溫書, 大概5分鐘, 個度d職員叫我地入去, 入到去放低個袋都唔夠5分鐘, 就話開始。一路睇住時間一路做, 重有2題唔係好識, 做完晒之後, 見有時間重走去重新睇多次, 同埋再諗過頭先唔識個2題, 不過最終都係唔識, 唯有亂撞, 攪掂晒出去等嗌名, 個d職員一嗌我個名, 跟住同我講pass, 我個一刻不知幾開心, 簡直係難以形容, 同埋之前擔心一掃而空, haha

黎梗我要好努力咁學車, 因為11月6日就係考路試既大日子﹗ 

今晚第一次同3v d 院友 (fanny, fanny個fd , circle, 豬姐姐, dee dee, 阿van, 阿van 既bf, 阿依, dada, katie)一齊去整蛋糕, 整個過程我地玩得好開心。 整完之後, 我拎左半個俾阿媽, 淨番個d比阿忠食, 但阿忠話麻麻地tim

不過都玩得好開心, 期待下一次23號既來臨﹗

我地既製成品, 11個黑森林, 幾震撼﹗

我地大合照

呢個係我既

 豬姐姐, circle, 阿van既bf, 阿van, dee dee fanny既合照

katie & 阿依