今日阿忠放假, 所以提早慶祝9週年拍拖紀念日, 因為正日31號, 佢要返夜 其實大家都唔記得左, 如果唔係佢一早就請左假啦﹗我都係最近先記得, 好彩佢今日放假者。

我地今日去左kln bay既megabox睇變形金剛既3d版, 之前係巴士站既廣告poster見到, 已經同阿忠講話一上畫就要去睇, 估唔到佢都話好, 佢不嬲都唔鐘意去戲院睇戲, 淨係識得係屋企睇dvd, 我記得上一次睇既係翻生侏羅館, 睇下佢幾耐冇同我睇戲呀

我地今朝好趕咁上網買左4點鐘飛, 仲要係坐第一行, 冇法啦﹗鬼叫咁遲先買咩, 7點鐘冇晒位, 一去就去到10點, 太晏啦﹗睇完成12點, 返到屋企成點幾, 我兩個女餓死lu

夠鐘入場啦﹗好刺激, 冇悶場, 好"正"不過唔覺有3d效果, 可能實在太勁。又或者根本係冇3d, 只不過係買service, 成$100張飛, 有$20係小食(爆谷同汽水, 任食同任飲)不過好老實講邊食得到同飲得到咁多呀﹗嘥氣

睇完戲, 我地行左一陣, 去左b&q (成個我係大陸睇個個百安居家居中心咁), sportlight (d野貴到阿媽都唔認得, 咩都睇唔中, 淨係睇中左個氣球, 上面印住"JUST MARRIED", 我好想買FOR 擺酒用, 但阿忠話諗諗先, 都要成$4.5一個)

行完之後, 我地去左IKEA買野, 行完都成9點幾, 本來諗住返屯門先食飯, 但太夜啦﹗所以我地去左德福個間SUPER SANDWISH度食飯。食完我地就搭車返屋企。

仲有呀 ﹗我今日有提過話都係想佢同我求婚, 我驚冇左呢樣野, 我會有遺憾, 唔知阿忠會唔會記住, 會有驚喜比我呢﹖

今日阿忠幫我交左申請表學車啦﹗宜家會係8月16號考筆試, 佢重幫我拎左好多資料返黎比我睇, 有一本書係所有路牌既指示說明, 宜家我要好努力咁溫書lu﹗要比心機考好個筆試, 一定要past, 再考路試。past左先決定去邊間駕駛學院度學車, 不過經我地細心篩選過之後, 一致應為鏗鏘係最平, 最抵既﹗

今日約左去試妝, 我搵左之前幫小倩同amy個個化妝師Janet, 我地12:30到左元朗, 去到Janet比左d書我睇, 想知道我鐘意d咩類型, 咁我同阿忠一路睇一路揀,揀左幾個, Janet睇左我揀個d, 大概知道我想要d咩, 就開始同我化, 佢都好有心機, 同埋都好傾得, 琴日個氣份都幾好, 佢都幾快手同我試左兩個妝同兩個頭, 都幾靚。不過有一個係阿忠request既, 我就覺得攪到我好老, 我麻麻地鐘意。

之前都好擔心, 因為小倩同我講話佢個人講野都幾直, 佢有d同事都唔係咁鐘意, 但我同阿忠都覺, 不過佢既直都係想我好, 所以我都冇野。大致上, 我都阿忠都好滿意, 所以就比錢lu。

宜家join佢係跟全日$5000 任轉妝同頭, 包伴娘妝同set頭一次, 同埋包媽媽妝2個(原本得1個, 不過佢見係小倩介紹就送多個比我)但唔包set頭, 個價錢都ok。

  有得睇, 有得睇啦﹗

終於等到啦﹗,等左成2個禮拜, 我地既結婚相有得睇lu, 雖然只係少少10張放上網, 都好呀﹗止住渴先﹗

我地既結婚相呀﹗

今日阿忠放假, 咁我地就諗住去佐敦個間名婚紗睇下, 聽3v d 朋友講話佢幾好, 咁我又費時淨係去溋集坊, 咪上去睇下作個比較囉﹗

3點鐘我地上度去都幾多人, 有一個女仔試梗tim, 心諗今日睇岩, 都冇得試啦﹗同埋得2個人係度, 佢地咁忙都唔得閒招呼我地, 咁我地唯有自己睇住先, 大致上我地兩個都覺得d衫幾好, 幾新淨。等左一陣, 個個女仔試完, serve佢個個人就行埋我地度問我地有冇睇岩, 咁我就問睇岩有冇得試, 佢話有, 不過要我地落住2件衫既訂就得, 咁我地係度猶疑梗之際, 加上佢又未有人試衫, 個個女仔就話見到你地咁有誠意, 你有睇岩就比你地試啦﹗咁我又真係睇岩左件婚紗同晚裝, 咪試上身囉﹗試左上去, 真係幾靚, 兩件我都好鐘意, 同埋我著上去原來發覺自己好瘦 (不過我都係會繼續努力減肥, keep住), 阿忠仲幫我影埋相tim﹗

試完之後, 我地就決定join, 因為佢有擺會展, 所以我今日都係用會展價, 同埋我宜家都係join左個2件既plan, 遲d先再轉多d衫個d。

名婚紗同溋集坊比, 佢抵d, d衫都靚同新淨, 所以我會取消溋集坊個邊, 唔去試衫lu

 呢件就係我既婚紗

呢件就係我其中一件晚裝, 不過可能到時再有新款會轉都唔定

今日係coco做絕育手術既日子, 其實我一路都好擔心, 好唔想佢做, 佢實在太細啦﹗我唔想佢承受咁既痛苦。但阿忠佢好想佢做, 可能經歷過豆豆黎經期既日子, 佢覺得好煩, 加上唔想佢老左有病, 所以好決心咁要佢做呢個手術。

我地今朝十點半去到元朗維多利, 去到等放低佢, 但姑娘話醫生想見下佢, 咁我地唯有等啦﹗等左4,5個字, 姑娘叫我地入去, 點知唔係dr. peter喎, 咁都算啦, 比呢個醫生(dr, john)望下, 佢問左我之前有冇打預防針, 我話買個時, 個個人包左我3支, 但dr. john佢話唔算打左, 所以要再打過, 咁今日除左做手術之外, 仲打埋針tim, 下個月重要打多支加強劑。離開間診証房, 我即刻同姑娘講話我係搵d. peter做架喎, 咁佢話ok。之後我地就走左lu, 重帶左豆豆去游水, 想試下佢會唔會真係因為游水而又痾又嘔, 佢今日游得好叻呀, 個池冇乜人, 可能今日係星期六, 有d人要返工啦﹗游左一個鐘我地就返屋企。

 到左四點鐘到, 阿忠打去維多利問coco接得未, 佢地話得啦﹗我地即刻搭車去接佢, 一去到見到佢, 都好精神, 比起豆豆佢好好多, 但返到屋企可能d麻醉藥開始過, 佢都開始攰, 所以就訓著左lu, 今晚我地成晚都係度睇左住佢, 費時整親佢個傷口。希望佢快d好番, 咁我就安樂晒lu﹗

我地今朝八點半就到左lu, 佢地都未開門, 咁我地唯有企係門口等啦﹗等左一陣, 見到d助理哥哥, 跟住就見到阿杰返黎, 原來今日得我地一對, 所以佢地先叫我九點鐘到。等左一陣, 各人都陸續返黎, 之後彩雲開始同我化妝, 今日係佢去北京前既最後一日, 而我亦都好好彩可以比佢化到妝, 佢同我化妝個時好有心機, 因為我隻眼比較敏感, 佢化眼個時, 隻眼角不停咁流眼水, 攪到個妝溶左, 都整左好幾次, 但佢從來都冇覺得麻煩好有心機幫我整靚佢, 幫我化妝都成3個鐘, 我就去換衫, yoyo同路萍幫我揀左三件婚紗好靚, 不過好可惜其中一件我著唔到, 之後去set頭, yoyo話比我知琴日返左好多新頭飾, 我今日好好彩呀, 可以比彩雲幫到我化妝, 同埋帶到佢地新返既帽, 隻帽我好鐘意架, 大家到時睇下啦﹗
攪掂晒所有野, 我地就出發啦, 一上車冇幾耐, 我地都訓著左, 可能今朝實在太早起身。去到劉政開始搵景點, 而我地就開始今日影相既路程lu, 劉政佢真係好專業, 影得唔好既相, 佢會影多幾次, 影到好為至, 好似有張跑既相, 我地都影左好多次, 到最後個劉政先肯收貨。佢既專業精神, 簡直值得我地敬佩, 重有呀, 佢每一次幫我地影完,都會比我地睇, 每一張都有"嘩"一聲既感覺, 張張我都好鐘意, 宜家我就好擔心, 到時拎相唔知會唔會加幾本相簿呢﹖
總括黎講, 今日我地非常滿意, 雖然今日烈日當空, 但每一張都有太陽伯伯照射下. 加上劉政既專業, 打燈哥哥既汗水, 令到每一張都有完美既效果﹗
今日我同阿忠係度要非常多謝劉政, 佢不顧一切咁, 又訓身, 又爬梯; 打燈哥哥, 佢地流晒汗, 好努力咁打燈, 毫無怨言; 路萍, 佢一路幫我bf抹汗, 幫我"擔姐"; 最後當然都要多謝彩雲, 幫我化左一個好靚, 令到我好滿意既妝

重有呀﹗我地上去個時個天氣都ok, 由深圳出發一路都好好天, 去到廣州, 突然黑晒個天, 落傾盆大雨, 個時既我不知幾擔心, 點知一去葵園不知幾好太陽, 個天空一邊黑一邊白, 好似太極咁, 好神奇呀﹗個一刻已經冇左擔心, 懷著靚靚既心情去影相 
呢個就係肥佬啦﹗

呢個就係我啦﹗

今晚同阿忠去左朗豪坊既ferti度拎介子, 去到一試上手就岩, 戴左上去真係有唔捨得"除", 但算啦, 宜家戴住咪"贊"整花, 都係等結婚個日先帶。