終於都等到啦﹗由買個日開始都好期待呢一日既來臨, 原本個sales話要7/14先有得拎, 點知前日打比我話有啦﹗我不知幾開心, 但阿忠今日先放假, 所以今日先去拎。夜晚約左阿忠係市中心等, 跟住去拎介子, 入到去試上手,都好岩。拎完之後, 我地去食飯, 返到屋企我話比番隻介子佢, 佢話唔駛啦, 你拎左去, 咁我話咁無誠意架, 咁佢就扮晒野咁同我講"嫁比我啦﹗"但我唔知點解個一刻好似唔知點咁, 好似好肉酸, 我成日都好期待佢同我求婚, 但始終到個時, 我就覺得唔知點, 可能我地已經一齊咁耐, 同埋有晒共識話要結婚, 所以我覺得好似............., 但最終佢都有幫我帶上隻介子。

呢隻就係我隻求婚介子啦﹗

今日我同阿忠相約左jessica同佢男友帶我地三隻寶貝仔女去游水, 我地約左10黠鐘係錦上路西鐵站等, 跟住我地就搭的士去錦田既寵物樂園游水。我地一去到, 我就辦理入會手續, 入會費成$450(2隻狗入會$370, 游水每隻$40) 點知個職員姐姐話10點個場已經開始左, 咁我地梗係費時蝕本, 唯有等到11點個場, 所以我地就去左草地度玩, 阿co一去度, 就好開心, 唔知係咪以前成日係草地度跑, 宜家冇左, 所以一去到, 就好似癲左咁喪跑。 至於阿豆, 佢就貫徹佢一向既作風, 週圍八卦, 四周圍"嗅", 都唔知佢"嗅"乜。michael呢﹖佢就怕怕, 乖乖咁同佢老豆走左一陣就坐左係度。

呢張係阿co係草地影既

好啦, 到左11點, 我地企係閘口等職員姐姐點左名, 我地就入去lu, 一入去見到2隻爹利. 有d惡, 咁我地放底d野, 第一隻就放阿co落水, 點知佢有d驚, 可能第一次,  仲唔係好夠力, 阿忠就即刻抱佢上黎, 跟住我地放阿豆落下, 佢好叻, 游左一陣, 就游得好叻tim﹗玩左一陣, 我地再放阿co落去, 今次我地放佢近岸邊, 佢都係有d驚, 不過今次好d啦, 我地指示佢上岸既位置, 咁佢就慢慢游上岸。阿豆佢, 係就係游得好叻, 不過隻衰野唔肯自己落水, 要我地放佢落水, 有時仲避我地tim﹗至於michael佢, 就好驚, jessica又驚佢浸親, 所以佢就冇乜點落水, 同埋呢度冇得比主人落水, 咁jessica唔係咁鐘意, 所以全程佢地都冇乜點玩。

整體黎講, 今日佢地玩得好開心, 而我地梗係筋疲力盡啦﹗

好期待下次既來臨﹗

星期六去左深水步有間叫做華邵唐服買左件金色既旗袍 for送客用
其實當初我同阿忠都係抱住睇下既心態去睇, 入到去基本上覺得有d老套, 睇唔上眼, 點知個sale就問我想d咩野, 介紹比我, 咁我就話想要件金色既, 佢就拎左件比我試, 一試就鐘意左, 連阿忠都話好睇, 件衫只不過係$352咋, 簡直又平又靚。
我地諗住都會未來99去睇下, 買件比佢夜晚著。
買完之後, 咁我就問去邊啦, 佢話去tst, 我個一刻有d開心, 差d想笑出黎, 因為我地上次係tst見到隻求婚介子, 我好鐘意, 但我個一刻冇問佢去做乜, 我之不過自己係諗會唔會係去買介子呢, 點知佢突然講, 喂﹗去tst買介子lu, 我話好呀,咁我地就去左買啦﹗我地見琴日都買左求婚介子, 咁就順住個勢去買埋結婚介子, 所以我地番番去mk買結婚介子 (之前已經睇中), 琴日好開心, 一次買晒兩隻介子。
星期日今日我地去左秋子, 坐底睇左一陣相, 我就問湯生宜家接唔接出年11月既單,佢話接喎, (我諗住佢暫時唔會接架碼), 咁我同阿忠都鐘意佢個度花, 湯生又好好人, 比d襟花我地睇, 又話比我地聽11月會有好多花, 叫我地宜家唔駛咁快揀住, 臨bd前一個月都得 咁我地就比左錢啦, 原本我諗住比deposit, 點知佢話會冇左4個蕙蘭, 咁我地就full payment, 跟住我地諗住去eden睇下hall 20 (我book個時阿忠冇去, 諗住今日去睇下), 但我話不如去錦發睇下褂先啦, 咁我地就去左, 個老闆好好人, 拎左好多比我試, 佢叫我試小五福, 但我覺得唔係咁靚, 我鐘意d多金線既, 咁佢就比左中五福我試, 我試就ok, 連阿忠都話好, 我租個件重係頭褂tim, 咁我就比左deposit啦﹗
錦發同美華比較, 錦發個老闆真係好好, 佢地既服務簡直係一流
其實我本來諗住去冠南華度租, 諗住貴就貴啦, 但睇完 esd個姊妹之前有講過錦發好, 咁我咪諗住去睇下囉, 點知出黎既係, 佢地真係好好, 攪到我毫不猶疑咁租左lu.

總括黎講, 呢兩日好開心, 介子, 花球, 褂都攪掂晒, 宜家等梗影相, 試妝同試衫, 攪掂埋呢三樣野, 咁我就等嫁lu

我星期一放工同埋阿媽去睇我星期日租個件褂, 仲影左相 tim