聖誕節個日我同阿忠去左ifc度行, 之前聽d朋友仔話個商場ok, 咪走去八下囉﹗加上上次係harbour city個間hugo boss睇中左件恤衫想buy比阿忠, 點知個間冇佢既size話ifc個間先有, 咁咪走去睇下囉﹗點知阿忠見到話麻麻地, 好彩harbour個間冇size, 我buy唔到, 如果唔係, 就麻煩啦﹗話晒減左價之後, 都要成七百幾蚊﹏

今年既聖誕節, 都幾特別, 點解﹖登登登登.........

岩岩過左呢個星期六, 就攪左我地一年一度既christmas party, 年年呢段時間我地都會聚一聚。雖然我地平時邊個生日都會出黎食飯, 但永遠都唔會出齊人, 一到聖誕, 我地總會夾齊人出黎見一見, 不過好可惜, 今年yuki黎唔到, 點解﹖佢宜家轉左行, 做左地產, 呢排又多人睇樓, 佢根本忙到都抖唔到氣, 所以佢今年冇黎到。雖然係咁, 但今年黎左兩位新成員, 就係deirdre既男朋友同cherry既男朋友, 可能第一次見, 佢地有d怕羞, 希望下次見面會好d啦﹗

星期四係阿kit同大頭仔結婚既大日子, 我個日請左假, 話晒同大頭仔識左十幾年, 請一日假都冇所謂﹗

佢地3: 20係新世界中心既伊甸園hall10註冊, 我2:30已經到左, 但佢地去左太空館個邊影相, 所以見唔到佢地, 唯有同美琪係pacific cafe等佢地啦﹗美琪就同我講朝早既情況係點啦﹗佢話阿kit成手都係金鈪, 真係好想睇下, 可惜佢地話阿kit夜晚唔會著褂, d金器放晒係屋企。至於大頭仔佢, 係"針"茶個時已經喊, 估佢唔到, 我知佢個人好感性, 冇諗過咁快佢就喊。

等到差唔多3點, 佢地返黎啦﹗大頭仔好smart, 阿kit就唔駛講啦, 好靚, 好靚, 好fit, 好sharp!!!!!!! 大概3:10到, d賓客陸陸續績咁就坐, 3:20正式開始, 一開始入個hall個時, 大頭仔已經忍唔住d眼淚, d眼淚不停咁流......成日過程好sweet, 好感人。註冊完梗係影下相, 突然間阿kit個fd(男仔)喊喎, 可能佢開心得濟, 攪到連阿kit都喊埋一份, 場面實在太感人﹗

星期六我同Joyce相約左Amman上去佢既新居, 其實都唔算新lu, 佢地大大話話入左去住都好幾個月, 而我地亦都講左好幾個月話去參觀, 次次都攪唔成, 結果星期六大家都得, 不過好可惜最終只係得我同Joyce去到。

之前見到好多朋友仔整呢條path, 其實整左好多次都唔得, 今日係公司超無聊, 咪走去研究下, 終於比我整到啦﹗haha 

訓覺真係咁重要﹖﹖

有d人會答唔係, 亦都有d人會答係。而阿忠從來都冇答過我, 但佢行動上已經答左。

琴日你fanny同方大哥既結婚大日子﹗

琴日好好彩呀﹗好好天, 之前fanny重擔心會好凍, 點知天公做美, 真係好啦﹗

我大概差唔多3點先到, 點解咁晏﹖就因為我去左ifc揀禮物, 我成日都覺得雖然去觀禮, 但都冇理由兩手空空去, 所以我去左ifc既swarovski揀左對老鼠仔既水晶送俾佢地。去到大會堂, 一眼就比我見到fanny啦﹗佢琴日好靚, 好sharp, 成日都話自己肥既佢, 我琴日見佢一d都唔肥, 都唔佢肥係邊﹖琴日除左我之外, 仲有katie同dee dee都有去。係大會堂出面影左一陣, 佢地就要入去登記, 踏正3:15就正式開始, 琴日有好多好多人黎觀禮, 成日禮堂差唔多爆晒, 而我地就因為實在太多人既關係, 搵唔到一個好有利既位置睇佢地交換介子、簽結婚証書....

到左最後環節, 就梗係要方大哥鍚鍚fanny, 點知佢怕醜喎﹗淨係鍚面面, 但最終我地點會放過佢呀﹗

我琴日實在太趕啦﹗居然咁重要既相機我唔記得帶, 唯有係katie個blog度copy過黎啦﹗

我地既大合照

呢張係我地3個係度等fanny落黎個時, 玩自拍既

係度再一次祝fanny同方大哥白頭到老, 永結同心﹗

今日同阿忠上左去3v睇排版, 初頭我地都覺得冇乜野需要改, 只係有一兩張有d古怪者。點知, 劉政行埋黎, 幫我地睇下, 原來係有好多野要睇, 例如﹕睇下d頭髮有冇亂, 個底色有冇黑點, 我d手臂既肥肉有冇走出黎, 阿忠塊面有冇面油...................呢d我地真係冇諗過要睇, 我地一心諗住淨係睇下d相夾唔夾呀, d顏色有冇調到古古怪怪。好多謝劉政突然間走埋黎睇我地D相, 令到我地知道原來有好多野要睇。

本來我地諗住好快咁就走得, 點知因為咁既緣故, 我地重新咁好細心咁再睇一次, 足足由10點幾攪到成1點, 真係耐啦﹗

我地攪掂晒, 就去左東門食我要再食既"重慶酸辣粉"自從上次食完之後, 我已經食過番尋味, 不過阿忠今次帶左我去阿煩介紹個間, 呢間比上次個間辣d, 好食好多。

食完之後, 我地就返香港, 因為阿忠今晚要返工呀﹗ 

今日係coco 1歲生日啦﹗

我同阿忠買左個生日蛋糕比佢, 同佢慶祝。不過係未切蛋糕之前, 發生左一個小插曲, 就係我將個蛋糕放左係張檯上面, 點知個衰女豆豆跳左上檯, 整跌左個蛋糕, 成個蛋糕散晒, 激死我啦﹗ 我唯有慢慢"汁"起去, 真係比佢激死我啦﹗

睇下coco佢, 食得幾滋味 

老豆抱住佢影相, 個衰女都要掛住望住個蛋糕, 乜都唔理。

睇下, 我個co妹豬, 戴左個米奇老鼠既帽, 幾得意﹗豆豆佢眼都唔"斬"咁望住coco, haha﹗

呢2份係jessica姐姐送比佢既生日禮物, 多謝晒﹗