好多朋友都係YAHOO個度寫BLOG, SINA呢個用用下, 都覺有問題, 所以我已經將我所有既野搬晒去YAHOO啦﹗

得閒係個邊留下言啦﹗

http://hk.myblog.yahoo.com/kanflorence

今年係婚前最後一個情人節, 呢日原本我地plan左去海洋公園, 但天氣持續寒冷, 所以我地就取消左呢個節目, 改左去睇魔幻奇緣, 之前上網訂左飛,所以唔駛去排隊。我地買左下午4點, 所以唔駛咁早出去, 我地就走去運輸處拎我既正式車牌, 我終於擁有自己既車牌啦﹗之後我地去左奧海城既眼鏡88度睇眼鏡, 因阿忠話想買個眼鏡個鏡片係會係戶外會變色既, 咁我就順勢買黎比佢做情人節禮物, 買完都差唔多3點半, 我地就好趕咁去tst睇戲。套戲都幾笑, 冇悶場, 我就最怕睇到d戲我會瞌眼訓, 呢套戲一d都冇呢樣野發生。睇完之後, 我地就行下海港城睇下野, 阿忠仲買左個袋比我做情人節禮物。夜晚我地冇特別去搵一間餐廳慶祝, 因我地覺得, 個日既餐廳既餐同平時一樣, 不過價錢貴一倍唔值, 留番平日去食好過, 所以我地選擇左去岩岩係tst開左幾個月既burger king, d飽真係一流, 又夠大個, 好食過老麥好多, 咁當然一分錢一分貨, 一定貴過老麥, 但係我地一致認為物超所值。食完之後, 行多一陣就返屋企lu﹗

呢個就係我既情人節禮物啦﹗ 

2月2日, 3v攪左個party, 慶祝佢地一週年同埋擴充既大日子。

一眾院友梗係上去賀一賀佢啦﹗我大概2點幾上到, 個時淨係得ling ling, 加一, tata, tata's darling, 06同沁嵐, 坐左一陣, 其他院友陸陸續續咁黎。到差唔多4點, 人都差唔多齊, 個party正式開始, 首先梗係由劉政發言, 最攪笑我地要求佢講廣東話, 佢講左幾個字, 最終都係講番國語, 跟住就係輪到阿杰同yoyo。發完言之後, 梗係玩遊戲兼抽獎啦﹗

2月6日 年三十

呢日原本媽咪入黎我度同埋阿忠, 三個人簡簡單單叫pizza食團年飯, 點知﹖媽咪下午打比我, 話舅父係澳洲返黎, 咁阿yi出完trip係新加坡返黎, 所以阿yi話想一齊食飯。但有樣野係超級麻煩既, 就係阿yi book個間係一間club (中國會), 個度係要著得企理d, 唔可以t-shirt 牛仔褲, 咁就死啦, 阿忠個朝就係衛衣牛仔褲咁返工, 好彩我早放放四點, 咁我就拿拿聲返屋企拎過套衫去佢公司比佢換。夜晚去到, 個裝修好懷舊feel, 好多鬼佬去食飯, d野好好食。同場加插, 阿yi帶左佢個從未暴光既外籍男朋友黎一齊食飯。

呢間club, 可能有好多外籍人士去食飯, 所以佢地可能為左攪氣氛, 搵左個外省師傅表現以下呢個節目。

因為有個同事係怡東酒店既會員, 而佢有張coupon係6個人以上半價, 所以我地就相約一齊去食。今次我地既組合好特別, 從來都未試過約過出黎食飯, 有電腦部、存控部、貨倉部同埋銷倉及行政部。點解我地會走埋一齊﹖因為電腦部同貨倉部會同各大部門聯絡, 所以我地就係咁走圭一齊食自助餐喇﹗

講番個自助餐先, 呢間酒店比起上次我去marco hong kong多野食同真係好食好多, 同埋最緊要有我最鍾意既雪糕haagen dazs喇﹗yummy

天氣實在太凍, 因為咁樣, 我都好耐冇寫blog, 每日返到屋企就係躲入被窩入面, 根本唔願意坐係電腦檯開著電腦。所以由今日起, 我要的起心肝將我呢三個禮拜發生既事一五一十咁寫晒出黎﹗

1月12號係我地一年一度bbq既日子,

星期日係豆豆3歲既生日,

2007年係一年特別既一年, 呢一年又開心, 又忙碌, 而且今年作左一個人生一大既決定.............結婚

除夕夜個日, 我放左假, 因為係公司個christmas party抽到一日annual leave, 加上又要12月前放左去, 同埋阿忠都放, 咪揀呢日囉﹗下午我同阿忠出左mk行左一陣就趕住返入屯門, 點解﹖ 因為要去小欖搵位囉﹗